Det dukkar stadig opp nye ord og uttrykk i handelsnæringa. Nokre av nyorda er norske, men ein heil del av dei er engelske ord og uttrykk som kjem inn i det norske språket. Men kva betyr eigentleg alle dei nye orda og uttrykka?
Eitt ord kan ha mange tydingar. Bilete: Ellen Wilhelmsen / CC BY-SA 4.0
Oppgåve
I denne oppgåva har vi plukka ut nokre moderne ord og uttrykk som har dukka opp i handelsnæringa dei siste åra. Det er nokre norske ord, men dei fleste er på engelsk. De skal forklare kva orda tyder, og gi døme på korleis dei blir brukte i verkelegheita.
Del 1: Forklar ord og uttrykk
Del klassa i fire grupper.
Kvar gruppe får ein bolk med ord som dei skal forklare og illustrere.
Product Life Cycle (PLC) / livssyklusen av produktet
Point-of-Sales (POS) System
Prosumer
QQ
QR-kodar
Restordre
RFID
Ord til gruppe 4: S–W
Sjølvbetent butikk
Servicegrad
Social Commerce
Stock-Keeping Unit (SKOD) / vareeining (VE)
Store Management System (SMS)
Strekkodar
Teknisk gjeld
Teknologisk økosystem
Transport Management System (TMS)
Ukurant varelager
Varereisa
Virtual Reality
Warehose Management System (WMS)
Wearable Technology
Bruk nettet til å finne informasjon om orda. Skriv ordforklaringar med dykkar eigne ord, og bruk så langt som mogleg døme frå dykkar eiga verkelegheit.
Skriv ordlista i eit dokument, og set ho opp på same måte som i ei ordbok.
Del 2: Gjettekonkurranse
Når alle gruppene har skrive ferdig ordlista si, er det gjettekonkurranse.
Den gruppa som får flest riktige, vinn og kan smykke seg med tittelen " Champions of New Words".
Tips til korleis gjettekonkurransen kan gjennomførast
Gruppe 1 tek med seg ordlista si opp til tavla. Éin frå gruppa deler tavla opp i 4 delar, éin del for kvar gruppe, og har ansvaret for å setje ein strek kvar gong nokon i klassa svarer riktig.
Ein annan i gruppa les opp eit ord, og resten av klassa gjettar kva det tyder. Elevane rekkjer opp handa og seier namnet sitt og kva gruppe dei er på, til dømes "Pia, gruppe 3". Dersom svaret er riktig, får gruppa ein strek på tavla. Det er om å gjere å ha flest strekar når alle gruppene har vore gjennom ordlista si.
Når gruppe 1 har gått gjennom orda sine, held gruppe 2 fram, så gruppe 3 og til slutt gruppe 4.
Alternativt kan de gjennomføre gjettekonkurransen meir som ein quiz der elevane diskuterer gruppevis og avleverer eit felles svar frå gruppa.
Del 3: Lag ei e-ordbok
Kvar gruppe lagar ei e-bok med ei alfabetisk oversikt over orda sine med tilhøyrande forklaringar og døme.
Kall bøkene til dømes "A–D in New Retail", "E–L in New Retail", osb.
Driw (u.å.). New Retail – en ordliste for å forstå alle begrepene. Henta frå https://f.hubspotusercontent00.net/hubfs/5404305/pdf-er/driw2\\0New2\\0Retail2\\0Ordliste2.PDF
