Hopp til innhald
Oppgåve

Pakketering!

Når vi i reiselivet set saman ulike produkt til ein pakke, blir dette kalla for pakketering. I denne oppgåva skal du kome med forslag til nye pakketilbod for ein destinasjon.
Kokkar og servitørar samarbeider under middagsservering på ein restaurant. Foto.
Hektisk aktivitet under middagsservering på restauranten. Bilete: Marie von Krogh / CC BY-NC-SA 4.0

Pakkereiser blir ofte knytte til store turoperatørar og sydenferiar. Pakkane inkluderer oftast transport, transfer til og frå hotellet, overnatting og eventuelle måltid eller "all-inclusive".

No blir det jobba mykje med pakketering til ulike målgrupper hos norske destinasjonsselskap, resorthotell og turoperatørar. Også ulike former for tematurar blir organiserte som pakketilbod.

Oppgåve

Del 1

  • Jobb i par eller åleine.
  • Ta utgangspunkt i fylkeskommunen der du bur.
  • Vel to ulike målgrupper, og pakketer eit tilbod som passar til kvar av målgruppene dine. Det kan gjerne vere ein tematur.

  • Tilboda skal innehalde

    • transport til og frå destinasjonen/overnattingsstaden
    • overnatting
    • måltid (du vel kor mange som er inkluderte)
    • aktivitetar/opplevingar
    • totalpris
Tips

Hafjell Resort på Lillehammer har ulike pakketilbod heile året, les meir på "Pakker og tilbud", hafjellresort.no.

Trysil har òg ulike pakketilbod, les meir på "Pakketilbud", trysil.com.

Dyreparken i Kristiansand tilbyr ulike pakkeløysingar til besøkjande, les meir på "Pakker og kampanjer", dyreparken.no.

Del 2

  • Lag ein fin presentasjon med bilete av dei to pakketilboda de har utarbeidd.
  • Presenter i klassen.
  • Stem på dei to beste forslaga, og send dei gjerne til destinasjonsselskapet i fylket ditt.