Hopp til innhald
Oppgåve

Turistvettreglar

Korleis kan vi få besøkjande turistar til å oppføre seg omsynsfullt på heimstaden vår?
Lofotvettreglane. Biletet viser ti retningslinjer for å vise omsyn som turist i Lofoten. For det første bør ein bruke tilrettelagde område for camping. For det andre bør ein unngå å setje spor og merke i naturen. For det tredje bør en følgje stien. For det fjerde bør ein kaste avfall i søppelbøtter eller ta det med seg. For det femte bør ein bruke etablerte toalett, eller grave hol i bakken. For det sjette bør ein respektere privat eigedom. For det sjuande bør ein vise omsyn i trafikken. For det åttande er det bålforbod i sommarhalvåret. For det niande bør ein vise respekt for dyr og fuglar. Og for det tiande blir ein anbefalt å bruke organiserte aktivitetar i regi av turoperatørane. Illustrasjon.
Lofotvettreglane. Bilete: Visitlofoten.no / CC BY-NC-SA 4.0

For å sikre eit berekraftig reiseliv har nokre destinasjonar utvikla eigne "reglar", som er tilgjengelege både på nettet og på turistkontoret. Eitt døme er Lofoten. Her har dei laga Lofotvettreglane. Dette har dei gjort fordi dei ønskjer at turistar skal vise omsyn, slik at opplevinga ikkje ringast for lokalbefolkninga eller for framtidige turistar.

Oppgåve

Del 1 i par

  • Les om reiseliv på heimstaden dykkar. Kva er det turistar bør ta omsyn til hos dykk?
  • Lag eit sett turistvettreglar for heimstaden din, som tek omsyn til det som er unikt hos dykk.

Del 2 i klassen

  • Gå gjennom alle forslaga dykkar, og diskuter.
  • Bli samde om eit felles utkast.
  • Send gjerne utkastet til turistkontoret, og høyr om dette kan vere aktuelt å ta i bruk.
Ei mengd trafikkskilt, dei fleste av dei fareskilt, på rekkje og rad langs ein veg. Foto.
Bilete: Henrik Sørensen / CC BY-NC-SA 4.0