Reiselivsnæringa i Noreg har historisk opplevd ein kraftig vekst, men det er òg ei sårbar næring. Reiselivet blir påverka av faktorar som økonomi, politikk og kriser, som covid-19-pandemien. For å sikre ei berekraftig utvikling må vi kartleggje trendar, samarbeidsformer og forretningsmodellar.

Ein destinasjon er ofte målet for eller med reisa. Det er staden eller området du ønskjer å bli kjend med, staden du har sett deg ut og har lyst til å oppleve. Kva skal til for at ein stad blir til ein reiselivsdestinasjon? Og korleis kan vi jobbe for ei berekraftig destinasjonsutvikling?