Målet med denne oppgåva er
å vise at du forstår og kan nytte nokre sentrale omgrep
å vise at du forstår forskjellen på informasjonsformidling og strategisk kommunikasjon, og kan utvikle ein medietekst slik at han treffer ei bestemd målgruppe
å vise at du kan reflekterer over problemstillingar knytt til avgrensingar av ytringsfridommen, og førestillinga om ytringsfridom som ein allmenngyldig, global menneskerett
å vise at du kan bruke faglege omgrep og teoriar når du drøftar ei problemstilling i ei skriftleg oppgåve
Oppgåve 1: Omgrep
Forklar og gi døme på desse omgrepa:
ytringsfridom
ytringsansvar
ulovlege ytringar
liberalisme
kollektivisme
sekularisering
Oppgåve 2: Lag to plakatar om ytringsansvar
Lag teksten til to ulike plakatar som skal hengje i kantina på skulen din.
Føremålet med den første plakaten er å informere elevane ved skulen om kva ytringar som er ulovleg å poste i sosiale medium.
Føremålet med den andre plakaten er å appellere til elevane om å vise ytringsansvar i kommunikasjon med andre.
Beskriv korleis du ser for deg å forme ut plakatane visuelt, og reflekter over forskjellen på informative og appellative medietekstar.
Oppgåve 3: Drøftingsoppgåve
Retten til å ytre seg fritt er nedfelt i § 100 i Grunnlova, og inngår òg i FNs menneskerettserklæring. I samfunnet vårt er det vanleg å hevde at ytringsfridom er ein allmenngyldig rett som omfattar alle menneske i verda, uavhengig av styresett, kultur og religion.
Drøft i kva grad alle innbyggjarar i Noreg har full ytringsfridom, og om det er rimeleg av Noreg å stille krav om at andre land i verda gir innbyggjarane sine full ytringsfridom.