Media har ei viktig rolle i eit demokrati. Dei formidlar informasjon og er ein arena for politisk debatt. Ei sentral rolle for redaksjonelle medium er å avsløre maktmisbruk. Medborgarskap handlar om ytringsfridom og om at alle har moglegheit til å delta i samfunnsliv og arbeidsliv.

Som individ har vi rett til å tenkje kva vi vil, og til å setje ord på det vi tenkjer. Ytringsfridom er ein grunnleggjande føresetnad for eit demokrati. Men med denne fridommen følgjer eit ansvar. I dette emnet lærer du å bruke ytringsfridommen din på ein verknadsfull og forsvarleg måte.