Oppgåve
Fraktdokumentasjon
Mange papir skal følge med ved ulike godstransportoppdrag. Nokre vil du møte dagleg, andre sjeldan. Her skal du fylle ut eit fraktbrev for innanlands transport.
Bilete: NKI Forlaget / CC BY-NC-SA 4.0
Ordføraren i Oslo skal byte eit vindauge i bustaden sin. Du har fått i oppdrag å frakte vindauget frå bedrifta NorDan på Otta til Oslo.
Vindauget er emballert forskriftsmessig, og det følgande er informasjon om sendinga:
- lengde 120 cm, høgde 110 cm og breidde 40 cm
- vekt 42 kg
- kolliet er merkt med adressa til mottakaren
- avsendaren skal betale frakta
- utferdingsdato er i dag
- før levering skal ordføraren ringjast på telefon 93 30 29 79
- leveringsadressa og fakturaadressa er Frognerveien 22 A
Fyll ut fraktbrevet for transporten.