Hopp til innhald
Fagartikkel

Fellesskapsløyve og CEMT-løyve

På same måte som gyldig sertifikat og yrkessjåførbevis er nødvendig for føraren, er gyldig fellesskapsløyve nødvendig for transportverksemder som driv yrkestransport i EU-/EØS-området.
Luftfoto av et travelt motorveikryss fullt av trafikk på dagtid. Foto.
Luftfoto av et travelt motorveikryss. Bilete: wirestock, Freepik.com / Avgrensa bruksrett

Fellesskapsløyve

Alle som driv yrkestransport med gods innan EØS-området, må, i samsvar med handelsavtalen (EØS-avtalen) som Noreg har inngått med EU, ha fellesskapsløyve. Kopi av fellesskapsløyvet skal ligge i køyretøyet under transport. Handelsavtalen gir norske transportørar rett til

  • transport mellom Noreg og eit land innanfor EU-/EØS-området
  • transport av gods i transitt gjennom eit EU-/EØS-land
  • mellombels kabotasje (transport av gods i eit anna EU-/EØS-land)

I tabellen kan du sjå kva land som inngår i EU-, EØS- og EFTA-områda:

Land i eU, eøs og efta
HandelsunionHandelsavtalarLand
EU

Austerrike, Belgia, Bulgaria, Kroatia, Kypros, Tsjekkia, Danmark, Estland, Finland, Frankrike, Tyskland, Hellas, Ungarn, Irland, Italia, Latvia, Litauen, Luxembourg, Malta, Nederland, Polen, Portugal, Romania, Slovakia, Slovenia, Spania, Sverige

EØSNoreg, Island og Liechtenstein
EFTANoreg, Island, Sveits og Liechtenstein

CEMT-løyve

Eit fellesskapsløyve er ikkje alltid tilstrekkeleg. Om du skal køyre til og frå eit land utanfor EU-/EØS-/EFTA-området, må du ha eit CEMT-løyve frå eit land som er medlem av den europeiske transportministerkonferansen, eller ITF, som dette internasjonale samarbeidsorganet heiter no. CEMT-løyve får du frå Statens vegvesen ved behov.

Døme

Om ein norsk sjåfør skal køyre frå Kirkenes i Noreg til Russland, må sjåføren ha med seg eit CEMT-løyve. Grunnen er at Russland ikkje er medlem av EU, samtidig som både Noreg og Russland er medlemmar av ITF.