Korleis er handlevanane til medelevane dine?
Gruppeoppgåve
Målet med denne oppgåva er å kartleggje handlevanane til ungdommar, avdekkje haldningane deira til berekraft og sjå om handlevanane for denne aldersgruppa har endra seg. Dette skal de gjere ved å gjennomføre ei undersøking blant elevane på skulen dykkar.
- Diskuter og bli samde om spørsmål de vil stille til medelevane dykkar.
Tips til spørsmål
Kor ofte handlar du?
Kva handlar du i fysiske butikkar?
Kva fordeler eller ulemper ser du ved å handle i fysiske butikkar?
Kva handlar du på nettet?
Kvifor handlar du på nettet?
Kva fordeler eller ulemper ser du med netthandel?
Handlar du lokalt?
Vel du varer berre ut frå pris, eller tek du òg omsyn til kvar varene kjem frå?
Handlar du brukt?
Tenkjar du på berekraft når du handlar?
Lag ei undersøking
- Bestem dykk for om de vil ha ei spørjeundersøking eller eit intervju. For å få eit breiare utval kan de òg lage undersøkingar på sosiale medium.
Planlegg gjennomføringa
- Bestem når de vil gjennomføre undersøkinga, og set av tid til å analysere svara.
Gjennomfør undersøkinga
- Gjennomfør undersøkinga i par.
Analyser resultata
- Når alle data er samla inn, så analysar resultata i dei same para som gjennomførte undersøkinga saman. Skriv ei oppsummering.
Lag eit felles dokument for klassa
- Lag eit felles dokument der de samlar oppsummeringane frå dei enkelte undersøkingane. Kva slags handlevanar har dei unge i dag?
Diskuter
- Diskuter interessante funn med tanke på berekraft og sirkulær økonomi. Er ungdom opptekne av kvar varer kjem frå? Er dei opptekne av gjenbruk? Tenkjar dei på miljøet?
- Avdekkjer undersøkinga noko de vil undersøkje vidare eller gjere noko med?
CC BY-SASkrive av Cathrine Meyer Johansen.
Sist fagleg oppdatert 09.02.2021