Kva er samtavla?
Samtavla er eit verktøy som er utvikla for å støtte læring gjennom utforskande samtalar på ei felles digital tavle. Den visuelle flata kan brukast til å organisere bidrag og til å drive dialogen vidare. Samtavla kan brukast som verktøy både for ei heil klasse og for mindre grupper.
Meir informasjon om bruk av Samtavla som ein stad å dele samtalar
Bruk av førehandsutfylt mal på Samtavla
Læraren eller gruppeleiaren kan følgje ei lenkje til ein førehandsutfylt undervisningsmal av ei tavle som klassen, eller mindre grupper, kan fylle ut om marknadsundersøkingar. Her er ei lenkje til ein førehandsutfylt mal om marknadsundersøkingar på Samtavla.no. (Hugs å logge inn før du opnar lenka).
Kvar gong ein lærar klikkar på ei slik lenkje, blir det laga ei ny tavle med ein ny pinkode som er unik for denne gruppa, og som kan delast med elevane. Ein elev kan starte ei tavle på same måte, dersom de skal jobbe i mindre grupper.
Spørsmåla i den førehandsutfylte malen
Følgjande spørsmål kan danne grunnlag for ein samtale og diskusjon om marknadsundersøkingar:
- Kva er marknadsundersøkingar?
- Kva er kvalitative undersøkingar?
- Kva er kvantitative undersøkingar?
- Kva er fordelar og ulemper med kvalitative undersøkingsmetodar?
- Kva er fordelar og ulemper med kvantitative undersøkingsmetodar?
- På kva måtar er stordata og digital dataanalyse aktuelt?