Øving 1. Stryk på ryggen
Jobb saman to og to.
Sit ved sida av kvarandre. Den eine stryk den andre på ryggen med sirkelrørsler. Varier trykk og spør den du stryk, kva trykk han eller ho ønskjer. Gjennomfør øvinga i to minutt, og deretter byter de.
Stå oppreiste og gi kvarandre ein bamseklem samtidig som de gjer sirkelrørsler på ryggen til kvarandre.
Stryk kvarandre over kinna og på hendene.
Refleksjon
Korleis oppleve de det å bli stroke på ryggen?
Korleis oppleve de det å stryke ein annan på ryggen?
Kvifor kan den berøringa de har utført, vere roande og gi ei kjensle av velvære for den andre?
Korleis kan berøring vere med på å skape ein god relasjon mellom deg og den andre?
Korleis kan berøring vere omsorg?
Kvifor kan berøring ha ein lindrande funksjon?
Berøring er ein del av helsearbeid. Kva er føremålet med den målretta berøringa?
Kvifor er det viktig at helsefagarbeidaren er sensitiv for reaksjonane til pasienten på nærleik og berøring?
Kva signal frå den andre må de vere merksame på når de gir hjelpande berøring?
Nokon kan oppleve berøring som negativt. Korleis kan du finne ut om ein annan liker at du tek på han eller ho?
Øving 2. Massasje
Massasje av føter, rygg, nakke, skuldrer eller hender kan verke roande og gi ei kjensle av velvære.
Finn ut korleis du kan gjennomføre ulike typar massasje.
Gå saman to og to, og gjennomfør fot-, skulder-, nakke- og handmassasje på kvarandre.
Refleksjon
Korleis opplevde de å gi massasje og å få massasje?
Kvifor kan massasje gi betre velvære?
Er det nokon situasjonar i det framtidige arbeidet ditt der du tenkjer det å få massasje kan vere lindrande?