Oppgåve
Å vere ein profesjonell barne- og ungdomsarbeidar
Som barne- og ungdomsarbeidar må du vere klar over kva det vil seie å vere ein profesjonell yrkesutøvar i arbeidet med barn. Denne kunnskapen får du gjennom teori og praksis, og i praksis øver du deg òg på sjølv å vise profesjonalitet når du jobbar.
Bilete: Kerstin Mertens / CC BY-NC-SA 4.0
Profesjonalitet handlar om å vere dyktig i jobben sin. Du skal vite kva du skal gjere, og du skal gjere det så korrekt som mogleg. I desse oppgåvane skal du utforske kva det vil seie å vere ein profesjonell barne- og ungdomsarbeidar.
- Lag eit tankekart med stikkord knytt til det å vere ein profesjonell barne- og ungdomsarbeidar.
- Bruk tankekartet og lag eit notat der du utdjupar stikkorda og forklarer med eigne ord kvifor dette har betyding for å vere ein profesjonell barne- og ungdomsarbeidar.
- Arbeid i gruppe. Ta utgangspunkt i ein eller fleire praktiske situasjonar i barnehage, SFO/skule, klubb eller bustad, til dømes innkomst, måltid, leik, aktivitetar, påkledning. Lag eit rollespel der de viser korleis de er profesjonelle i desse situasjonane. Film eller ta bilete av rollespelet, og lag eit lite notat som forklarer kvifor de gjer det på den måten. Tenk særleg på profesjonalitet.
- Vis det innspelte rollespelet eller bileta for klassen. Forklar kvifor dette er profesjonell yrkesutøving for ein barne- og ungdomsarbeidar.
- Diskuter i klassen kvifor det er viktig å reflektere over eiga rolle i arbeid med barn og unge, og kvifor det er naudsynt å vere sjølvkritisk som profesjonell yrkesutøvar.
Relatert innhald
Fagstoff
ProfesjonalitetFor å vere ein profesjonell fagarbeidar må du ha den kompetansen som er nødvendig.