Fagstoff

Forslag til feltarbeid i geografi

Feltarbeid er ein viktig metode i geografifaget, og i tråd med læreplanen skal alle elevar gjennomføre det. Her får du oversikt over forslaga våre til feltarbeid.

Fire bilete, eit viser klede på kleshengarar i eit skap, eit er eit nærbilete av berggrunnen, eit viser elevar som er ute på ei myr, og eit viser folk som går og sit på kaféar i ei gågate. Foto. — Feltarbeid i geografi kan både vere store og små, og "feltet" kan vere byen, naturen, berggrunnen og til og med klesskapet ditt.

Kvifor gjennomføre feltarbeid?

Geografifaget handlar om å bruke det geografiske blikket på verda rundt oss. Alt du lærer om i faget, kan du knyte til nærområdet ditt. Målet med faget er at du skal kunne svare på spørsmålet "Kvifor er det slik akkurat her?". For å kunne svare godt på det bør du komme seg ut av klasserommet og øve seg på å knyte fagstoffet til nærmiljøet. Derfor har vi laga eit feltarbeid til kvart emne i faget, nokre store og nokre små. På den måten håper vi å bidra til at det blir enklare å komme seg ut av klasserommet og trene det geografiske blikket.

Du kan lese meir om kva feltarbeid er, i artikkelen "Feltarbeid i geografi".

Feltarbeid i alle fagemne

Berekraftig utvikling

Undersøk kor mykje nærmiljøet er forma om av menneske, i oppgåva "Antropocen i nærmiljøet ditt?".

Indre krefter

Finn ut meir om bergartane rundt deg i oppgåva "Feltarbeid: Undersøk berggrunnen i nærområdet".

Ytre krefter

Finn ut korleis naturen har skapt landskapet rundt deg, i oppgåva "Feltarbeid: Kva ytre krefter har forma nærområdet?".

Vi har òg eit digitalt feltarbeid laga som eit kodekammer. Her får du god trening i å tolke landskapet. Dette finn du i oppgåva oppgåva "Digitalt feltarbeid: Kodekammer Bondhusdalen".

Demografi og levekår

Undersøk om det er nokon teikn på ulikskap i levekår i oppgåva "Feltarbeid: Er det levekårsforskjellar i nærmiljøet ditt?".

Ressursar og arealbruk

Finn ut meir om arealbruken rundt deg i oppgåva "Feltarbeid: Ulike typar arealbruk i nærmiljøet".

Klima

Lær meir om klimatilpassing ved å undersøke nærmiljøet i oppgåva "Feltarbeid: Klimatilpassing i nærområdet".

Forbruk

Kanskje kan du lære meir om klede og forbruk ved å undersøke heime hos deg? Det skal du i alle fall i oppgåva "Feltarbeid: Klesskapet mitt".

Globalisering og lokalisering

Blir nærmiljøet ditt òg påverka av verda rundt oss på noko vis? Undersøk saka i oppgåva "Feltarbeid: Er nærmiljøet mitt globalisert?".