Smittevern og hygiene er eit viktig arbeidsområde for helsefagarbeidaren. Hygienetiltak i helse- og omsorgstenesta omfattar tiltak for å halde oppe god hygiene og forhindre spreiing av smittsame sjukdommar blant pasientar og tilsette.

Forsking har gitt oss auka forståing av korleis kroppen fungerer, og ny kunnskap om mikroorganismar. Samtidig har teknologisk utvikling skapt vaksinar og antibiotika til å kjempe mot virale og mikrobielle sjukdommar som tidlegare var svært dødelege.