I denne oppgåva må de ut av klasserommet. De skal jakte på ulike typar dultar i nærmiljøet dykkar. Læraren kan avgjere om de berre skal ta for dykk dultar på skulen, eller om de skal gå lenger ut i nærmiljøet til skulen i jakta.
1. Repeter!
Repeter dei ulike typane dultar som blei presenterte i artikkelen om kva dulting er.
2. Gå på jakt!
Bli einige om kor lang tid de skal bruke ute.
Gå på jakt på skulen eller i nærmiljøet.
Prøv å finne døme på alle dei fire ulike typane dultar.
Dokumenter dultane de finn, gjerne med å ta bilete.
De kan dele dultane de finn undervegs, til dømes gjennom den digitale plattforma til skulen.
3. Del og diskuter!
Avslutt felles i klassen.
Del nokre av dultane de har funne.
Bruk definisjonen under, og diskuter om det de har funne, kan definerast som dultar. Kvifor, eller kvifor ikkje?
Diskuter kva kategori dultane høyrer heime i.
Definisjonen på ein dult:
Ein dult er når ein endrar eller formar ut valarkitekturen slik at det blir enklare for oss å ta objektivt sett betre val, utan økonomiske insentiv og utan å ta bort valmoglegheiter.