Hopp til innhald
Oppgåve

Diskuter motiv, tema og bodskap

Jobb med fagomgrepa motiv, tema og bodskap ved å diskutere kunst og litteratur.

Før du gjer denne oppgåva, bør du ha lese fagartikkelen "Motiv, tema og bodskap".

Oppgåve 1. Motiv, tema og bodskap i kunst

Del 1: Jobb åleine

Bla gjennom dei tre måleria over. Pass på å ha dei i fullskjerm. Tenk over kva du meiner er

  • motiv

  • tema

  • bodskap (viss du meiner nokon av bileta har bodskap)

Skriv gjerne ned nokre du kan ha med til diskusjonen i del 2.

Del 2: Diskuter saman

Set dykk saman i grupper på tre–fire elevar. Fortel kvarandre kva de meiner er motiv, tema og bodskap i bileta.

Del 3: Samanfatt i klassen

Diskuter saman i klassen kva de meiner er motiv, tema og bodskap i bileta.

Oppgåve 2. Motiv, tema og bodskap i dikt

Del 1: Jobb åleine

Les diktet "Folkebibliotek" av Haile Bizen, ein diktar frå Eritrea. Tenk over kva du meiner er

  • motiv

  • tema

  • bodskap (viss du meiner diktet har bodskap)

Skriv gjerne ned nokre stikkord du kan ha med til diskusjonen i del 2.

Innhaldet er visuelt.

Del 2: Teikn diktet

Korleis vil du teikne diktet? Lag ei teikning som du synest får fram motiv, tema og/eller bodskap.

Del 3: Diskuter saman

Set dykk saman i grupper på tre–fire elevar. Fortel kvarandre kva de meiner er motiv, tema og bodskap i diktet. Vis kvarandre teikningane de laga, og forklar kvifor de teikna som de gjorde

Å først tenke åleine, for så å setje seg i grupper, er ein fin måte å jobbe med tolking av kunst og litteratur på. Då får du både tenkt åleine og diskutert med andre.

Oppgåve 3. Motiv, tema og bodskap i noveller

Del 1: Jobb åleine

Les novella "Gutten" av Margaret Skjelbred. Skriv ned kva du meiner er motiv, tema og bodskap (viss du meiner novella har ein bodskap.).

Del 2: Diskuter saman

Set dykk saman i grupper og diskuter kva de meiner er motiv, tema og eventuell bodskap i novella.

Oppgåve 4. Samanfatt skriftleg

Er temaet kjærleik? Ei oppsummering på tavla er ein god strategi for at alle i klassen skal kunne sjekke om dei har forstått fagspråket.

  1. Forklar skriftleg og med eigne ord kva fagomgrepa motiv, tema og bodskap betyr. Du skal ikkje bruke hjelpemiddel.

  2. Les forklaringane høgt i klassen og gi kvarandre tilbakemelding på om forklaringane fungerer.