Arbeidsoppdrag

Målingsskrape

I denne læringsressursen skal du lage ei målingsskrape. Då trengst det både fresing og dreiing, i tillegg til boring og gjenging. Kan du dette, er du klar til å lage di eiga målingsskrape.

Verktøy som består av eit handtak og ei trekanta skrape. Illustrasjon. — Med dette verktøyet kan du skrape bort måling eller pakningsrestar. Klarer du å lage ditt eige? Bilete: Torbjørn Helgesen / CC BY-SA 4.0

Kva er ei målingsskrape?

Ei målingsskrape består av eit handtak og ein verktøydel med skarp skjereegg. I dømet vårt har sjølve skrapeverktøyet tre kantar, som alle er freste til ei skarp egg.

Målingsskrapa kan sjølvsagt nyttast til å skrape bort gammal måling, men vi kan òg bruke ho til å skrape bort rustbelegg og gamle pakningar.

Lag di eiga målingsskrape

Hugs HMS. Sjå eigne ressursar om maskinene. Aktuelle maskiner til dette oppdraget kan vere:

søyleboremaskin: Sikker bruk av søyleboremaskiner
fres: Sikker bruk av fres
dreiebenk: Sikker bruk av CNC-maskiner
bandsag/kaldsag: Sikker bruk av bandsag
svingjern – gjengebakke og gjengetapp: Boring og innvendig gjenging

3D-teikning

Det er lagt ved ei 3D-fil av delen. Ho kan opnast i eit CAD-program, som Autodesk Fusion 360. Denne fila er i formatet F3D.

Filer

Målingsskrape NDLA, 3D-fil(F3D)

Refleksjon

Kva stålkvalitet vil du velje for verktøydelen for å få ein hard og vedvarande skarp skjereegg?

Kan du behandle metallet på ein måte som gjer at det blir hardare?

Relatert innhald

Fagstoff

Sikker bruk av maskiner

Her finn du ni korte videoar som viser deg sikker bruk av maskiner på ein verkstad.

Oppgåver og aktivitetar

Verktøy for planlegging

Her får du verktøy som kan hjelpe deg å planlegge eit arbeidsoppdrag.