Arbeidsoppdrag

Kjørnar

I denne læringsressursen skal du lage ein kjørnar. For å lage kjørnaren må du i hovudsak nytte ein dreiebenk, og du kan velje om du vil bruke ein manuell eller ein CNC-styrt dreiebenk.

Avlangt verktøy med ei slagflate på den eine kortsida og ein spiss på den andre. Illustrasjon. — Ein kjørnar blir brukt til å setje eit merke i ein metallgjenstand. Klarer du å lage din eigen? Bilete: Torbjørn Helgesen / CC BY-SA 4.0

Kva er ein kjørnar?

Ein kjørnar blir nytta til å lage eit lite hol i overflata på metall. Han fungerer slik at du held spissen på kjørnaren mot den staden du vil markere, og så slår på slagflata med ein hammar.

Å lage såkalla kjørnarslag i overflata er spesielt viktig viss du skal bore, slik at boret treffer på rett punkt.

Lag din eigen kjørnar

Hugs HMS. Sjå eigne ressursar om maskinene. Aktuelle maskiner til dette oppdraget kan vere:

søyleboremaskin: Sikker bruk av søyleboremaskiner
dreiebenk: Sikker bruk av CNC-maskiner
bandsag/kaldsag: Sikker bruk av bandsag
svingjern – gjengebakke og gjengetapp: Boring og innvendig gjenging

Arbeidsteikning og 3D-teikning

Arbeidsteikninga for dette læringsoppdraget ligg lagd ved som ei PDF-fil, og du kan skrive ho ut, viss du ønsker. Teikninga viser dei ulik trinna for produksjon.

I tillegg ligg det vedlagt ei 3D-fil av delen. Ho kan opnast i eit CAD-program, som Autodesk Fusion 360. Denne fila er i formatet F3D.