Dekonstruer ein modelltekst om tekst i kontekst

Modellteksten du skal lese, er ein fagartikkel som handlar om familien i norrøn og moderne litteratur.

1. Les fagartikkelen "Kvinnerolla gjennom 1000 år".

2. Diskuter i grupper: Kva gjer dette til ein god fagartikkel?

3. Gjer fagartikkelen det han skal gjere når det gjeld å greie ut og drøfte tekst i kontekst? Du kan dele oppgåva inn i desse mindre oppdraga for å finne det ut:

   • Utforskar skrivaren begge tekstane i vedlegget, og bruker hen konkrete døme for å "bevise" påstandane sine (til dømes sitat frå tekstane)?

   • Blir tekstane samanlikna?

   • Viser skrivaren kunnskap om den kulturelle og den historiske konteksten til Sagaen om Gunnlaug Ormstunge?

   • Blir det reflektert over samtida når teksten handlar om utdraget frå Skamløse jenter?

   • Er språket akademisk?

   • Er kjeldeføringa god?

Opne bilete i eit nytt vindauge

CC BY-NC-SA

Bilete: Siren Halvorsen

Når du skal skrive ein fagartikkel om tekst i kontekst, er det viktig å finne den riktige balansen mellom dei to. Ein tekst som berre handlar om litteraturhistorie og historie generelt, blir ikkje eit godt svar på oppgåva. Då har du nemleg ikkje svart på det oppgåva spør om. Du har skrive om kontekst, men ikkje tekst. Omvendt kan du ikkje berre skrive om tekstane. Då viser du ikkje nok kunnskap om kulturhistoria, du skriv altså berre om tekst, men ikkje kontekst.

Oppdrag:

Vis korleis dei tre første avsnitta i hovuddelen balanserer forholdet mellom tekst og kontekst. Du kan til dømes fargekode delane i teksten på denne måten:

• Dei delane av teksten som omtaler temaet i utdraget frå Sagaen om Gunnlaug Ormstunge, fargar du raude.

• Sitat frå sagaen fargar du blåe.

• Delar som handlar om litteraturhistorie, fargar du grøne.

• Delar som handlar om historie, fargar du gule.

Sit i grupper og diskuter:

Kva er det viktigaste de tek med dykk til eiga skriving etter å ha lese denne fagartikkelen?