Del 1. Les!
Når du skal vere med i ein lesesirkel, les du først litteratur. Deretter møter du andre som har lese det same som deg, for å diskutere innhaldet i tekstane.
Derfor skal du no lese fire samtidstekstar. Målet med lesinga er å svare på denne problemstillinga:
Kva kjenneteiknar dagens samtidslitteratur?
Du bør derfor notere deg svar på to følgjande spørsmål til kvar tekst du les:
1. Kva er temaet i teksten?
Er teksten samfunnskritisk?
Eller er det kanskje meir ein psykologisk tekst som handlar om evige tema, som kjærleik, lengsel, sakn, sorg, naturen, livet eller døden?
Har teksten ein tydeleg bodskap?
2. Korleis er teksten skriven?
Kan du finne nokon verkemiddel?
Er det noko som skil seg ut?
Kven har synsvinkelen?
Her er tekstane du skal lese:
Camara Lundestad Joof: Utdrag frå boka Eg snakkar om det heile tida
Zeshan Shakar: Utdrag frå romanen Tante Ulrikkes vei
Carl Frode Tiller: Utdrag frå romanen Begynnelser
Karl Ove Knausgård: Utdrag frå romanen Min kamp 1
Vigdis Hjorth: Utdrag frå romanen Arv og miljø
Del 2. Arranger lesesirkel
Gå saman i grupper og diskuter:
Gå gjennom kvar tekst og diskuter det de meiner er tema i tekstane.
Vil de seie at nokon av tekstane er samfunnskritiske og har ein tydeleg bodskap? I så fall: Kva for ein?
Korleis er skrivestilen i tekstane de har lese?
Del 3. Samanfatt i klassen
Vend tilbake til problemstillinga "Kva kjenneteiknar dagens samtidslitteratur". Diskuter om de klarer å komme fram til noko svar på denne etter å ha lese samtidstekstane og diskutert desse med andre.
Del 4. Lytt til ein podkast om samtidslitteraturen
Lytt til podkasten med tittelen "Kva kjenneteiknar dagens samtidslitteratur".
Diskuter om dei funna de gjorde, stemmer overeins med det forfattar Tore Renberg og litteraturkritikar Marta Norheim trekkjer fram som kjenneteikn ved samtidslitteraturen.