Fagartikkel
Ittens fargesirkel
Det finst ulike måtar å dele inn og beskrive fargar på. Johannes Itten har skapt ei fargelære som blir mykje brukt. Fargesirkelen til Itten har rein gul, raud og blå som utgangspunkt. Desse fargane blir kalla primærfargar. Vi kan blande dei og få sekundær- og tertiærfargar.
Video: Filmkonsulentene / CC BY-NC-ND 4.0
Itten utvikla ein fargesirkel som har rein gul, raud og blå som utgangspunkt. Vi kan blande fram dei andre kulørte fargane. Sirkelen kan hjelpe oss til å finne harmoniar og kontrastar.
Bilete: Ukjent / CC BY-NC-SA 4.0
Ittens fargesirkel er delt opp i:
3 primærfargar: raud, gul og blå
Dei kallast også grunnfargar, fordi det er fargar som ikkje er laga av ei fargeblanding.
3 sekundærfargar: oransje, fiolett og grøn, som er blandingar av to primærfargar
Sekundærfargar. Bilete: Kari Roksvaag Rønning / CC BY-SA 4.0- 6 tertiærfargar: blanding av ein primærfarge og ein sekundærfarge, som guloransje, raudfiolett og blågrøn.
Tertiærfargar. Bilete: Siren Halvorsen / CC BY-SA 4.0
Når du blandar måling, må du vere klar over at du får ein gråbrun farge viss du blandar alle tre primærfargane (blå, raud og gul).
Når alle tre primærfargane er til stades i ei fargeblanding samtidig, får vi gråbrunt. Bilete: Hege Røyert / CC BY-SA 4.0