Fargekalkulatoren er eit verktøy som kan hjelpe deg til å finne gode fargesamansettinger. Her kan du utforske korleis fargane i ulike fargeharmoniar verker på kvarandre. Prøv dei ut og finn fargepalettar som du kan bruke i eige skapande arbeid.
Fargekalkulatoren er eit gratis verktøy frå Sessions College for Professional Design. Ved å velje RYB-mode, vil du få ein fargesirkel som tek utgangspunkt i raudt, gult og blått, på same måte som Ittens fargesirkel. Vel du RGB, får du lysfargar som tek utgangspunkt i raudt, blått og grønt.
- Gå til Gå til Fargekalkulatoren på sessions.edu.
- Vel ein farge du vil ha som utgangspunkt. Denne får du opp som ein fargeprøve i paletten din.
Vel ein harmoni:
Ved å klikke på plussteiknet i skjermbiletet under, får du opp ei forklaring av dei ulike fargeharmoniane på norsk.
Ved å krysse av for "Lock", beheld du harmonien, sjølv om du dreier på punkta.
Dersom du fjernar avkryssing for "Lock" under fargesirkelen, kan du justere kvar enkelt farge i paletten din. Beveger du deg inn mot midten i fargesirkelen, blandar du inn meir kvitt i fargen. Då får fargen mindre metting.
Til venstre for fargesirkelen kan du regulere kor mykje svart du vil ha i kvar enkelt farge.
Oppdrag:
- Prøv ut dei ulike typane harmoniar i fargekalkulatoren.
- Presenter prinsippet for dei ulike fargeharmoniane saman med ein fargepalett du har laga.
- Vel ut dei fargepalettane du liker best, lag idéskisser på korleis du kan bruke dei til eit oppdrag innan ditt valte yrke.
Relatert innhald
CC BY-SASkrive av Inger Gilje Sporaland.
Sist fagleg oppdatert 03.12.2019