Hopp til innhald
Fagartikkel

Komplementærkontrast

Komplementærfargane står rett overfor kvarandre i fargesirkelen. Gult er komplementærfargen til lilla, grøn er komplementærfargen til raud og så vidare. Dei framhevar og forsterkar kvarandre. Ønskjer du at ein bestemt farge eller form skal få merksemd, kan komplementærkontrasten hjelpe deg.
Ittens fargesirkel med pil som viser eit komplementært fargepar. Illustrasjon.
Ittens fargesirkel med døme på eit komplementært fargepar.

Komplementærkontrast blir rekna som den sterkaste kontrasten.

Større kontrastar gir meir liv. Ifølgje Itten er komplementærkontrast den sterkaste fargekontrasten. Den får du ved å bruke to fargar som står rett overfor kvarandre i fargesirkelen. Dei framhevar og forsterkar kvarandre.

Komplementære fargepar. Illustrasjon.
Illustrasjon av korleis komplementære fargepar framhevar kvarandre.

Komplementærkontrasten skapar eit brot og vekkjer merksemda. Samtidig skal du vere litt forsiktig med å bruke mange slike kontrastar, sidan det kan skape støy.

Portrett av kvinne med raud hatt. Måleri.
Schokko med raud hatt er målt av Alexej von Jawlensky i 1909. Korleis er komplementærkontrasten brukt i dette biletet?

Blanding av komplementære fargar

Dei komplementære fargepara gjer kvarandre meir intense. Men viss du blandar dei i maling, vil det motsette skje: To komplementære fargar gir grå eller brun. Dette skjer fordi alle primærfargane (raud, blå og gul) er til stades i fargeblandinga samtidig.

Figur som viser at blanding av komplementære fargepar (alle tre primærfargane) gir grått og brunt. Illustrasjon.
Blandinga av komplementære fargepar (alle tre primærfargane) gir grått og brunt.

Komplementærkontrasten kan dempast

Reine komplementærfargar har eit sterkt spenningsforhold og kan bli ubehagelege å sjå på viss dei blir lagde oppå kvarandre. Du kan dempe verknaden ved å blande inn kvitt og/eller svart i fargane. Då vil fargesamansetjinga bli meir harmonisk.

Fargeelementer som bryter med de øvrige. Illustrasjon.

Relatert innhald