Utforsk mediebruk blant barn og unge

Opne bilete i eit nytt vindauge

CC BY-NC-SA

Bilete: NTB, Shutterstock

I dette oppdraget skal du studere ein skriftleg rapport og bruke han som kjelde i ein nyheitsartikkel. Før du byrjar, bør du setje deg inn i fagartiklane på NDLA om mediebruk blant barn og unge, korleis du les og bruker statistiske data, og korleis du som journalist byggjer opp ein nyheitsartikkel.

• Søk opp rapportar om mediebruk blant barn og unge på nettsidene til Medietilsynet. Noter ned dei funna i siste utgåve av rapporten Barn og medium som du meiner har størst nyheitsverdi.
• Vel ut eitt funn i undersøkinga som nyheitsartikkelen din skal handle om, og bestem deg for korleis du vil vinkle saka. Delrapportane gir gode hint når du skal velje. Det er smart dersom elevane i klassen din tek utgangspunkt i ulike delar av rapporten og vel kvar si vinkling.
• Skriv ein nyheitsartikkel basert på opplysningane du finn i rapporten. Lengd: maks 500 ord.
• Ta eigne bilete eller vel aktuelle bilete i NTBs eller NDLAs biletbase. Hugs å oppgi fotograf, leverandør og lisens, og at bilete av personar må vere modellklarerte.
• Del nyheitsartikkelen med dei andre i klassen, og be om ei kritisk vurdering av måten du har vinkla saka og presentert statistikk på i nyheitsartikkelen din.