Å kunne forsvare seg mot sjukdom og skadar er viktig for overleving, evolusjon og reproduksjon hos alle organismar. Både plantar og dyr har utvikla forsvarssystem som kjenner igjen og går til motangrep på skadelege inntrengjarar som kan forårsake sjukdom.

Mikroorganismar er organismar som er så små at vi berre kan sjå dei gjennom mikroskop. Mikroorganismar er nyttige og naudsynte for livet på jorda, men nokre kan forårsake spreiing av smittsame sjukdommar.