Vi lærer å samhandle med andre gjennom å gjere oss erfaringar og reflektere over eigne handlingar i samspelet med andre. Som profesjonell skal du delta i samhandling med barn og bidra til å skape gode relasjonar. Du skal hjelpe og støtte barn og unge i dei sosiale prosessane.

Sosial kompetanse er naudsynt for å meistre ulike sosiale miljø. Kulturkompetanse treng vi fordi vi lever i eit mangfald og møter menneske med ulik kulturell bakgrunn. Kunnskap om dei kulturelle verdiane og normene til andre gjer oss i stand til å forstå og anerkjenne kulturen deira.