Hopp til innhald
Oppgåve

Fagorganisert eller ikkje?

Som arbeidstakar har du rett til å melde deg inn i ei fagforeining. Fagforeiningar er gjerne del av ein større fagorganisasjon, og for å vere medlem må du betale kontingent. Nokre fagforeiningar stiller krav om ei spesifikk utdanning for å kunne melde seg inn, andre har medlemmer frå ulike yrke.
Streik. Foto.
Bilete: Gorm Kallestad / CC BY-NC-SA 4.0

Som arbeidstakar har du ein rett, men inga plikt, til å vere medlem av ei fagforeining. Det finst fleire ulike fagforeiningar du kan bli medlem av. Det er derfor viktig at du set deg inn i kva dei ulike organisasjonane tilbyr medlemmene sine, før du melder deg inn.

Oppgåver

  1. Vel deg eit yrke. Kva fagforeiningar kan du bli medlem av som fagarbeidar innanfor dette yrket?
  2. Kva fagforeining organiserer flest fagarbeidarar innanfor det yrket du har valt?
  3. Kva andre yrkesgrupper kan vere medlem i same fagforeining?
  4. Kva kan denne fagforeininga tilby medlemmene sine?
  5. Drøft argument for og imot å vere medlem av ei fagforeining.