I denne oppgåva skal du analysere ei verdikjede og sjå korleis arbeid med berekraft kan verke inn på kundeopplevingar og omdømmet til ei bedrift.
Oppgåve – individuelt og i klassa
- Vel ei bedrift du har lyst til å undersøkje. Det kan vere praksisbedrifta di eller ei anna bedrift du er nysgjerrig på.
- Søk informasjon om bedrifta på nettet, og prøv å finne ut av korleis bedrifta jobbar med berekraft i heile eller deler av verdikjeda.
- Bruk informasjonen du finn, til å sjå korleis berekraftsarbeidet til bedrifta påverkar opplevingane til kundane og omdømmet til bedrifta.
- Kva meiner du bedrifta kan gjere betre?
- Lag ein presentasjon om bedrifta og framfør han for klassa.
- Diskuter i klassa korleis dei ulike bedriftene jobbar med berekraft, og kva som kan svekkje eller styrkje omdømmet til ei bedrift blant kundane.
- Bli samde om ti viktige berekraftspunkt som kan forbetre kundeopplevingane og styrkje omdømmet til ei bedrift.
- Bli samde om ti viktige berekraftspunkt som kan gjere kundeopplevingane dårlegare og svekkje omdømmet til ei bedrift.
CC BY-SASkrive av Cathrine Meyer Johansen.
Sist fagleg oppdatert 11.02.2021