Oppgåve
Miniundersøking: berekraft og sirkulær økonomi
Korleis blir det jobba med berekraft og sirkulær økonomi i handelsnæringa der de bur?
Bilete: Thomas Bedin / CC BY-SA 4.0
- I denne oppgåva skal de gjennomføre ei miniundersøking om berekraft og sirkulær økonomi i handelsnæringa der de bur. Vel ei bedrift de ønskjer å sjå nærare på.
- De skal undersøkje korleis bedrifta jobbar med berekraft i verdikjeda. Sjå òg på korleis sirkulær økonomi eventuelt endrar eller har endra forretningsmodellen til bedrifta. Bruk til inspirasjon diagrammet over, som viser samanhengen mellom dei ulike fasane i sirkulær økonomi.
- Bruk nettsida til bedrifta til å hente inn informasjon.
- Kontakt bedrifta, presenter dykk og spør om de kan få stille nokre spørsmål om berekraft og sirkulær økonomi. Avtal gjerne eit møte med bedrifta for meir utfyllande informasjon.
- Lag ein fin presentasjon av funna dykkar, og presenter dei for kvarandre. Trekk fram det de synest er spesielt bra.
- Diskuter i klassen likskapar og forskjellar mellom dei ulike bedriftene gruppene har undersøkt.
- Blir det jobba aktivt med berekraft og sirkulær økonomi i handelsnæringa der de bur?