Korleis står det til med reiselivet i fylket ditt?

Oppgåva kan gjerast individuelt eller i grupper på to og to.

• I denne oppgåva skal du fordjupe deg i korleis reiselivet er organisert i fylket du bur i.
• Opprett eit dokument til å skrive i. Kall dokumentet for «Reiseliv i [namnet på fylket] 2.0».
  

Del 1: kartlegging

1. Søk på nettet og finn ut korleis reiselivet i fylket er organisert på regions-, fylkes- og landsdelsnivå.
   
2. Korleis samarbeider dei ulike reiselivsaktørane?
   
3. Korleis blir reiselivet marknadsført i fylket?
   
4. Kor mange turistkontor er det i fylket?
   
5. Korleis jobbar reiselivsnæringa i fylket med reisemålsutvikling og berekraft?
   
6. Kor viktig er reiselivsnæringa for fylket?
   
7. Kartlegg ringverknadene av reiselivet for andre næringar i fylket.
8. På kva måte gir reiselivsnæringa positive ringverknader for lokalbefolkninga?

Del 2: spørjeundersøking

Lag ei spørjeundersøking til lokalbefolkninga. Undersøkinga kan gjennomførast digitalt eller fysisk. Her er nokre forslag til spørsmål:

• Kva er bra med reiselivet i fylket?
• Kva saknar du av tilbod?
• Korleis opplever du reiselivet i fylket?
• Korleis ser du på turistar?
• Kva tenkjer du om ei berekraftig reisemålsutvikling?

Analyser og bruk svara frå undersøkinga til å seie noko om nosituasjonen i fylket. Korleis bør fylket satse for å bli meir attraktivt for turistar og lokalbefolkning?

Om du var turistsjef, kva ville du ha tilrådd som ei innovativ og berekraftig destinasjonsutvikling for fylket? Ta utgangspunkt i svara frå spørjeundersøkinga.

Del 3: etterarbeid

• Opprett eit felles dokument for samskriving i klassa der alle legg inn tilrådinga dei kom med som turistsjefar.
• Kontakt gjerne reiselivs-/turistsjefen i fylket, og inviter til eit digitalt møte der de legg fram forslaget dykkar til ei innovativ og berekraftig destinasjonsutvikling i fylket.
  

Lykke til!