Skriftleg oppgåve – analyser internasjonal nyheitsformidling
Målet med denne oppgåva er
å vise at du meistrar mediefaglege omgrep og teoriar
å vise at du kjenner til nokre internasjonale nyheitsaktørar, og forstår forskjellen mellom verksemda til eit nyheitsbyrå og ein nyheitskanal
å reflektere over kven som produserer nyheitssaker, og korleis kulturbakgrunnen, kunnskapen og haldningane til avsendarane påverkar nyheitsdiskursen
å reflektere over internasjonale nyheitskriterium, og kva nyheiter som når fram til deg som mottakar
å forstå korleis vestlege nyheitsaktørar påverkar forståinga vår av land i sør
Oppgåve 1: Omgrep
Forklar og gi døme på desse omgrepa:
nyheitsbyrå
nyheitskanal
nyheitskriterier
det globale sør
«på vegner av»-journalistikk
fallskjermjournalistikk
Oppgåve 2: Analyser ei nyheitsmelding (kortsvar)
I internasjonal nyheitsformidling blir nyheiter frå land i sør ofte plassert inn i velkjende diskursar og nyheitsrammer.
Beskriv nyheitsramma i denne nyheitsartikkelen frå den engelske nettavisa The Guardian: Haiti: a long descent to hell
Korleis føyer ingressen nedanfor seg inn i ein vanleg diskurs i vestlege medium om land i sør?
Haiti, born of slavery and revolution, has struggled with centuries of crippling debt, exploitation, corruption and violence.
Oppgåve 3: Perspektiv på internasjonal nyheitsformidling
Skriv ein kritisk analyse av internasjonal nyheitsformidling med bakgrunn i det du veit om korleis nyheitsbyrå og nyheitsjournalistar jobbar, og den kritikken land i sør har retta mot vestlege nyheitsmedium.