Utforsk EUs teknologi- og mediepolitikk
Del klassen inn i fem grupper. Kvar gruppe skal ha
ein arbeidsleiar
éin eller to referentar som tek notat undervegs
minst to elevar som er ansvarlege for å presentere det gruppa finn ut
éin elev som har ansvar for å stille spørsmål til dei andre gruppene
Kvar gruppe skal utforske ein av fem retningslinjer eller lover frå EU ved å søkje i offentlege dokument og nettaviser. Vel blant desse:
AMT-direktivet
GDPR-forordninga
DSA-forordninga
DMA-forordninga
DSM-direktivet
Gruppa skal finne ut
kva direktivet eller forordninga handlar om
kvifor det er aktuelt og relevant å regulere det aktuelle området
i kva grad EUs retningslinjer og lover påverkar norsk mediepolitikk
Dei viktigaste funna skal de presentere munnleg for resten av klassen på ein engasjerande måte. Som støtte skal gruppa bruke eit digitalt presentasjonsverktøy.
Etter kvar presentasjon skal ein elev frå kvar av dei andre gruppene stille minst eitt spørsmål som gruppa har førebudd til innhaldet i presentasjonen.