Hopp til innhald

Oppgåver og aktivitetar

Når reklame kryssar landegrensene

Kva lover gjeld for reklame i norsk fjernsyn? Og kva skjer når globale TV-selskap og strøymetenester tek over marknaden for distribusjon av levande bilete?
Bilete av ein mann som sit ved ei berbar datamaskin og ser på nettstaden til Norsk Tipping. På skjermen ser vi logoane til ulike spel frå Norsk Tipping. Foto.
Opne bilete i eit nytt vindauge
Norsk Tipping har sidan 1946 hatt konsesjon på pengespel i Noreg. Trekninga av gevinstar i mellom anna Lotto blir vist kvar veke i fjernsynssendingar på NRK. Inntektene frå dei statlege pengespela går til idrett og humanitære føremål. Spel på internett er strengt regulert i Noreg, men blant andre Norsk Tipping og Norsk Rikstoto har fått løyve til å bruke internett som plattform.
CC BY-NC-SA
Bilete: Heiko Junge

Oppgåve 1

Søk etter informasjon for å svare på desse spørsmåla:

  1. I januar 2021 innførte Noreg forbod mot for pengespel på fjernsyn. Kvifor blei dette forbodet vedteke?

  2. Kva konsekvensar har forbodet for norske distributørar av medieinnhald?

  3. Korleis reagerte den globale Discovery på dette forbodet?

  4. Kva konsekvensar fekk forbodet for sjakkspelaren Magnus Carlsen?

Oppgåve 2

  1. Norsk lov bestemmer kva det er lov å vise reklame for på tv. Finn ut kva andre ting enn pengespel det er ulovleg å reklamere for på norsk fjernsyn.

  2. Kvifor er det ulovleg med slik reklame?

Oppgåve 3

Mange unge ser ikkje lenger på vanleg fjernsyn, men er storforbrukarar av nett-tv og internasjonale .

Diskuter i klassen om norske reklamelover også bør gjelde denne forma for distribusjon av medieinnhald, og kva problem det eventuelt kan medføre.

CC BY-SASkrive av Ragna Marie Tørdal.
Sist fagleg oppdatert 04.01.2022

Læringsressursar

Internasjonal mediepolitikk