Oppgåve
Oppgåver om fleirspråklegheit
Kva er fleirspråklegheit, og kva fordelar og ulemper har unge som snakkar fleire språk til dagleg?
Mange unge med innvandrarbakgrunn er fleirspråklege. Bilete: Maskot / CC BY-NC-SA 4.0
Lær nokre faguttrykk.
Les fagstoffsida om fleirspråklegheit på NDLA og finn svara på spørsmåla nedanfor:
- Kva vil det seie at ein stat er fleirspråkleg? Forklar og gi døme.
- Kva for spesielle språklege ferdigheiter har ein fleirspråkleg person?
- Kva er kodeveksling?
- Forklar omgrepet globalisering, og gi nokre konkrete døme på globalisering.
- Korleis bidreg globaliseringa til at stadig fleire menneske vert fleirspråklege?
- Kva er anglifisering? Og kva er årsaka til at mange språk i verda har vorte og vert anglifiserte?
Fleirspråklegheit – fordel eller ulempe?
Mange barn veks opp i fleirspråklege familiar. I denne videoen får du møte to av dei, og forskar Sunil Luuna. Video: Dialektxperten, NRK / CC BY-NC-ND 4.0
Sjå videoklippet om fleirspråklegheit ovanfor.
- Forskar Sunil Luuna bruker omgrepet "kognitiv utvikling" i denne videoen. Kva slags utvikling hos barnet er det han siktar til?
- Nemn nokre av synspunkta som Luuna kjem med.
- Når bruker fleirspråklege barn dei ulike språka dei lærer?
- Vert dei nødvendigvis like flinke i begge språka?
Lytt til samtalen i videoen nedanfor mellom professor Bente Ailin Svendsen og unge med fleirspråkleg bakgrunn. Kva synspunkt kjem fram i dialogen på det å vere fleirspråkleg? Noter ned viktige stikkord, og bruk desse som bakgrunnskunnskap i neste oppgåve.
Ein samtale om språk og identitet. Video: Applaus! Film & TV / CC BY-ND 4.0
Be om eit intervju med ein eller fleire fleirspråklege elevar i klassen eller på skulen din.
Spørsmål du kan stille er:
- Kva for språk snakkar dei?
- I kva for situasjonar bruker dei desse språka?
- Kva for eit av språka opplever dei som "morsmålet" eller "hjartespråket" sitt?
- Kva er problematisk når dei må bruke meir enn eitt språk i kvardagen?
- Kva er fordelen ved å vere fleirspråkleg?
- Kva for eit språk ønskjer dei at barna deira skal ha som morsmål i framtida?
Skriv ut intervjuet og del det med resten av klassen i ei felles veggavis.