Oppgåver
I desse oppgåvene skal du setje deg inn i situasjonar som kan finnast i ulike serviceyrke. Oppgåvene kan løysast som eit individuelt refleksjonsnotat eller som drøfting med ein medelev.
1. Du jobbar i ein daglegvarebutikk
Når du er på jobb, kjem det ein kunde bort til deg og fortel at han har vondt i ryggen. Han seier at han er nyoperert, og spør om du kan hjelpe han med å bere varene ut til bilen. Du skal få 200 kroner for bryet.
- Kva vurderingar gjer du deg?
- Kva svarer du vedkomande?
- Ville du ha informert leiaren din om situasjonen?
2. Du jobbar i ein kosmetikkbutikk
Ein leverandør vil gjerne at butikken skal ta inn nokre nye produkt. Sjefen din er ikkje så veldig interessert i dette, og det veit leverandøren. Leverandøren seier at viss du klarer å få sjefen til å ta inn desse varene, skal du få nokre vareprøver. Du har veldig lyst på vareprøvene.
- Kva vurderingar gjer du deg?
- Kva svarer du vedkomande?
- Ville du ha informert leiaren din om situasjonen?
3. Du jobbar på turistinformasjonskontoret
Ein leverandør av eit reiselivsprodukt i nærområdet ønskjer at du skal tilrå produktet deira til turistar i staden for produkt frå andre leverandørar. Du får tilbod om ein sum pengar av leverandøren for alle turistane du sender til denne bedrifta. Du treng pengar, men korleis skal du handtere dette?
Kva vurderingar gjer du deg?
Kva svarer du vedkomande?
Ville du ha informert leiaren din om situasjonen?