Fisk har alltid vore ei viktig matvare i Noreg, spesielt langs kysten. I dag et vi langt mindre fisk enn ønskjeleg, og langt mindre fisk enn kjøt.
Spesielt dei yngre aldersgruppene et for lite fisk. Sjømat er meir enn fisk. Krepsdyr og skjel er også sunn mat. Vi bør ete meir fisk og sjømat både som middag og som pålegg.
Vi deler fisk inn i gruppene
- mager fisk
- mellomfeit fisk
- feit fisk
Frå fisk får vi
- protein
- vitamin B12
- selen og jod
I feit fisk og tran får du i tillegg
- vitamin D
- omega-3-feittsyrer
Fisk kan vere villfisk eller oppdrettsfisk. Vi kan ete fisk som
- middag
- pålegg
- mellommåltid
Fisk kan mellom anna
- saltast
- kokast
- steikjast
- lutast
- tørkast
Veit du om fleire måtar å konservere eller lage til fisk på?
Opp gjennom historia har vi utvikla ei mengd ulike tillagingsmetodar for fisk for å ta vare på haldbarheita og for å variere smaken.
Korleis få barn til å ete fisk?
Utfordringar til deg
Bruk lenkjene under til å løyse oppgåvene.
- Kva er Helsedirektoratets kostråd for inntak av fisk og sjømat?
- Bruk nettsida med fakta om fisk og skaldyr saman med Matvaretabellen. Lag ein plakat som viser næringsinnhaldet i ulike typar fisk.
- Lag ei oversikt over sunne påleggsvariantar av fisk.
- Set opp ein vekesmeny med sunne middagar. To eller tre av måltida på vekesmenyen bør vere fisk eller sjømat.
- Vel ulike fiskeretter, lag eit fiskebord og inviter lærarane på fest. Fortel dei om næringsinnhaldet i dei rettene de har laga.
Relatert innhald
Nettside hos helsenorge.no
Nettside hos 3iuka.no
CC BY-NC-SASkrive av Agnes Brønstad, Guri Bente Hårberg, Trine Merethe Paulsen og Vigdis Haugan.
Sist fagleg oppdatert 05.05.2020