Rammer
De treng
- ein programleiar og ein forsanger
- ein eller fleire musikarar
- songar som er valt på førehand
Vi tilrår at de viser nokon av songtekstane på storskjerm. Hugs å trykke songtekstane med stor skrift!
Kor ofte: ein gong i månaden
Kor lenge: 50–60 minutt
Førebuingar
Etabler ønskekonserten som eit fast innslag kvar månad. Heng opp ei liste i bufellesskapa der dei tilsette kan skrive opp kva melodi dei eldre ønsker å høyre.
Gå i tillegg rundt på bufellesskapa og be dei som bur der, om å komme med ønske. Ingen song er umogleg for ønskekonserten! Skriv ønska ned på lappar. Det er sjølvsagt mogleg å komme med helsingar til songønska.
Forslag til songar
Trykk opp på førehand dei songane som er valde viss det er mogleg, og del dei ut på ønskekonserten. Som variasjon til å synge kan de òg lytte til innspelingar frå ulike nettstader. Kanskje kan de plassere ein gammal grammofon på podiet?
Dette forslaget til aktivitet er henta frå Kirkens bymisjons bok Impulser – Håndbok i kulturarbeid på eldreinstitusjoner. Boka er gitt ut av Kirkens Bymisjon i Oslo gjennom prosjektet "Leve – ikke bare overleve". Forslaget til aktivitet er gitt att i NDLA med løyve frå Kirkens Bymisjon. I boka finst mange andre varierte forslag til aktivitetar.