Aktivitet – ein ting og ein song

• kaffi og vaflar
• ein gammal gjenstand
• eitt eller fleire bilete som viser gjenstanden
• ein song knytt til gjenstanden

Forslag til gjenstandar:

• tursekk
• kaffikvern
• sopelime
• lommeur
• ein gammal medalje
• andre gjenstandar som brukaren du jobbar med, hugsar frå tidlegare år

Kor ofte:

Kvar veke

Kor lenge:

45 minutt

Korleis:

Frivillige, pårørande og tilsette førebur arrangementet, med motivering, assistanse, kaffi og vaflar. Du har på førehand funne fram ein gammal gjenstand og kopiert bilete av gjenstanden og songar knytt til han.

• Start med å helse velkommen ved å gi alle som er der, eit handtrykk – og sjølvsagt ein klem til dei du kjenner godt!
• Server kaffien.
• Del ut songark og eventuelle bilete av gjenstanden. Syng eit par songar som i teksten viser til gjenstanden du framleis held skjult.
• Vis fram den gamle gjenstanden. Send han rundt. Be deltakarane fortelje eller gjette kva gjenstanden er nytta til. Bruk god tid til å prate om minne og assosiasjonar.

Viss gjenstanden er ein gammal tursekk, kan praten ta dei merkelegaste vegar. Jakt, turar i marka, heimbygda, bærturen. Avslutt med ein song eller to. La gjerne deltakarane kome med forslag.