Media bidrar til folkehelse og livsmeistring fordi dei dekkjer behovet vårt for informasjon, meiningsutveksling og underhaldning. Sosiale medium styrkjer og skaper sosiale relasjonar. Gjennom media får vi eit glimt inn i livet til andre menneske og høve til å gjere oss sjølv synlege for andre.

Media dekkjer grunnleggjande behov for informasjon, underhaldning og sosial kontakt. Men media er òg med på å skape behov, mellom anna ved å reklamere for produkt vi ikkje visste at vi trong, og ved å få oss til å drøyme om eit liv vi ikkje trudde var mogleg.