Media bidrar til folkehelse og livsmeistring fordi dei dekkjer behovet vårt for informasjon, meiningsutveksling og underhaldning. Sosiale medium styrkjer og skaper sosiale relasjonar. Gjennom media får vi eit glimt inn i livet til andre menneske og høve til å gjere oss sjølv synlege for andre.

Media formidlar viktig informasjon og gode tips om kropp, trening og kosthald. Dette hjelper oss til å leve sunt og godt. Men for den som slit med helseangst, kan det vere utfordrande at informasjon om alle moglege sjukdommar er berre eit tastetrykk unna. Dessutan er slett ikkje alle rådene gode.