Kvifor bit vi på kosthaldstrendar?

Tenk

Vurder påstandane frå sosiale medium under basert på kunnskapen du har om næringsstoff og kosthald, og gi ei grunngiving for vurderinga di.

Par: Diskuter påstandane over med ein annan

Del: Diskuter i klassen

• Kva er ein kosthaldstrend?
• Kvar kjem trendane frå?
• Kvifor er vi så opne for å prøve nye kosthaldstrendar?
• Riktig kosthald er livsviktig for at kroppen din skal fungere optimalt, så korleis kan kosthald då vere ein trend?

Bli samde om nokre kriterium som definerer riktig kosthald. Lag gjerne ein karakterskala.

1. Jobb saman to og to, og set dykk inn i ein av diettane eller kosthaldstrendane under.

   • lågkarbodiett
   • 5:2-dietten
   • raw food
   • vegetariansk eller vegansk kosthald
   • supermat
   • paleodiett/steinalderkost
   • detoxing/juicing

2. Kafédebatt

   Ved kvart kafébord diskuterer de ein diett eller kosthaldstrend på bakgrunn av dei kriteria klassen definerte for riktig kosthald.

Tips til organisering

Organiser gjerne klasserommet som ein kafé der pultane står saman, for å danne mindre diskusjonsgrupper:

• Fordel klassen slik at kvart kafébord har elevar med fordjuping i flest mogleg dietter og kosthaldstrendar.
• Ved kvart kafébord er det éin diett eller kosthaldstrend som blir diskutert.
• Kvart kafébord har ein vert med fordjuping i dietten eller kosthaldstrenden som blir diskutert ved dette bordet.
• Verten innleier med ein kort introduksjon av trenden, har ansvar for å styre diskusjonen og noterer undervegs kva dei ulike gruppene kjem fram til.
• Gruppene rullerer mellom kaféborda, medan kaféverten er stasjonert ved bordet sitt.

1. Kvifor er det viktig å vere kritisk til det ein les?
2. Korleis kan du bidra med å spreie informasjon om riktig kosthald?

3. Trur du at du kjem til å prøve nokon nye diettar eller kosthaldstrendar? Grunngi svaret ditt.