Fagstoff

Risikomoment: tjørehaldig måling

Tjøre er mykje brukt i måling frå gammalt av. Det har svært gode penetrerande eigenskapar. Også i dag finst det måling med tjøre. Det er viktig å vite kva sikkerheitsrisikoar du kan utsetje deg for når du bruker tjøremåling.

Ein vegg på ei kyrkje er måla med svart tjøremåling. Foto. — Denne veggen er måla med tjøre. Kva eigenskapar har tjøre i måling?

Måling med tjøreinnhald

Helsestyresmaktene har peikt ut steinkoltjøre som kreftframkallande stoff i klasse 1. Derfor har mange målingsprodusentar slutta å produsere og selje belegg som inneheld bitumen, tjøre og koltjøre.

Risikoelement

Den største faren med tjøre som inneheld måling, er risikoen for å utvikle kreft, spesielt når tjøra blir utsett for sterkt sollys. Langvarig eksponering for damp kan skade indre organ. Dessutan kan det gi arvelege genetiske defektar og fødselsskadar.

Kortvarig eksponering for røyk og damp kan føre til irritasjon i nase, hals og auge. Sprut på huda gir irritasjon.

Beskyttande tiltak

Skal du bruke målingsprodukt som inneheld tjøre, må du ta rette forholdsreglar. Spør målingsprodusenten kva vernetiltak som er anbefalte. Men dette er eit minimum av det du må bruke:

vernemaske for å unngå å puste inn damp
verneklede som dekker heile kroppen
hanskar