Fagstoff
Risikomoment ved påføring av måling
Når du skal påføre måling og lakk, kan du bli utsett for nokre helse- og sikkerheitsrisikoar. Kva er det viktig å beskytte seg mot, og korleis skal du beskytte deg?
Overflatebehandling utandørs på eit røyranlegg. Har overflatebehandlaren godt nok verneutstyr? Bilete: Gerardo Arenas / Avgrensa gjenbruk
Helsefare og beskyttelse
Vanlege utfordringar ved overflatebehandling:
helse: innanding og hudkontakt
miljø: utslepp til luft, vatn og jord
sikkerheit: eksplosjon og brann
Kjelde | Helsefare |
|---|---|
| bindemiddel i måling |
|
| løysemiddel i måling | løysemiddel inn i kroppen ved inhalering, hudkontakt og svelging |
| andre kjemikal | helseskadelege stoff i måling: tjøre og tungmetall |
Hudkontakt
Får du måling eller lakk på huda, kan det gi ein allergisk reaksjon, brennande hud, blemmer og sår.
Du må setje deg inn i sikkerheitsdatablada for dei produkta du bruker. Då kan du kartlegge risikomomenta du kan bli utsett for og korleis du skal beskytte deg.
Det er òg viktig å vite kva du skal gjere dersom du er uheldig og blir eksponert for desse risikomomenta.