Personleg verneutstyr ved overflatebehandling

Personleg verneutstyr

Kva slags personleg verneutstyr du skal bruke, avheng av arbeidsoperasjonen du skal utføre.

Blåsereinsing eller vasspyling

Ved blåsereinsing eller vasspyling er dette typisk personleg verneutstyr:

• hette med separat operatørlufttilførsel med ekstra filter

• ansiktsskjerm (med eller utan andedragsvern)

• kutt- og punkteringsmotstandshanskar

• høyrselsvern

• vernestøvlar

• godkjent arbeidstøy

• vasstett vernedress

Beskytte luftvegane

Lungene og luftvegane må beskyttast dersom det er fare for å bli utsett for støvpartiklar.

Døme på utstyr som beskyttar lungene og luftvegane:

• støvmaske til eingongsbruk

• halvmaske med to filter

• heilmaske (mogleg å kople til med pusteluftfilter)

• trykkmaske med pusteluftfilter

Beskytte kroppen

Når du jobbar med overflatebehandling, må du òg beskytte kroppen. Verneutstyret skal beskytte deg mot støv og partiklar frå blant anna sliping og blåsereinsing, kjemikal, måling, høge temperaturar og høgt trykk.

Døme på verneutstyr som beskyttar kroppen:

• kjeledress eller vernedrakt

• andedragsvern med halv kjeledress

• vernedress mot vasstrykk

Øyre, auge, hender og føter

Syn og høyrsel er viktige sansar. Det er spesielt viktig å beskytte øyre, auge, hender og føter med godkjent verneutstyr. Når du jobbar med tungt verktøy og konstruksjonar, må du òg bruke vernesko med godkjend vernekappe.

Hendene er ofte nærast verktøyet du jobbar med. Det er viktig å beskytte hender og fingrar mot skarpe kantar, varme og kjemikal for å unngå skade.

Verneutstyr du kan bruke, er vernebriller, øyreklokker, kutt- og punkteringsmotstandshanskar og vernestøvlar.

Arbeid i stillas

Konstruksjonen du skal overflatebehandle, kan iblant vere så stor at du må jobbe i eit stillas for å utføre arbeidet. Her er dei viktigaste reglane som gjeld for arbeid i stillas:

• Stillaset må vere godt festa, og det må vere stabilt.

• Stillaset skal ikkje hindre tilgang til underlag som skal behandlast.

• Nødutgangsstad skal identifiserast.

• Rekkverk, kickboard og livnett må vere på plass.

• Alle må bruke sikkerheitsbelte i høgda.

• Stillasmontøren skal stadfeste sikkerheita ved stillaset (brikkesystem).

• Ingen skal gå inn på stillas som er umerka.

Mange har høgdeskrekk. Det er viktig å kontrollere at sikkerheita rundt eit stillas er god nok.

Hugs at ingen arbeidsgivar kan tvinge folk til å jobbe i usikre omgivnader!

Arbeid inne i tankar og lukka rom

Som overflatebehandlar kan du få oppdrag der du skal jobbe inne i ein tank eller eit lukka rom. Slike område manglar i utgangspunktet tilgang på frisk luft. Det er ein stor risikofaktor. Desse områda manglar òg lufting, og støv og kjemikal får ikkje naturleg lufting.

Når du skal jobbe i slike område, må du ta nokre forholdsreglar:

• Lufta må testast for å sikre at luftrommet er fritt for eksplosive og giftige gassar. Det må vere nok oksygen før du går inn i eit lukka rom eller ein lukka tank.

• Ekstern ventilasjon/avtrekk må installerast.

• Det må vere god nok belysning. Her er det krav til lysstyrke og lystype.

• I nokre tilfelle kan du bruke friskluftmata andedragsvern for kortvarig besøk eller inspeksjon.

Belysning

Belysning er viktig for å kunne utføre og inspisere arbeidet ved overflatebehandling.

Nokre viktige moment:

• Det må installerast god nok belysning for påføring og inspeksjon.

• Unngå dårleg belysning i hjørne og skuggeområde.

• Alle elektriske anlegg skal vere eksplosjonssikre ved målingsarbeid.

• Alle elektriske tilkoplingar må vere i eit eksplosjonssikkert skåp.

• Ikkje utfør reparasjonar av utstyr i eit lukka rom. Ta det med ut.