Oppgåve

Risikovurdering for ein kontoradministrasjon

I denne oppgåva skal de gjennomføre ei enkel risikovurdering for administrasjonen til ei verksemd, og presentere tiltak som kan førebygge uønskte hendingar.

Gang med dører inn til fleire kontoravlukke. Foto. — Kva slags uønskte hendingar kan skje i administrasjonen til ei verksemd?

Oppgåve

Gjennomfør ein enkel risikoanalyse for administrasjonen til ei sjølvvald verksemd.

Kartlegg uønskte hendingar.
Vurder sannsyn.
Vurder konsekvens.
Berekn risiko.
Foreslå førebyggande tiltak og set opp ein tiltaksplan.
Forklar korleis de ville ha gjennomført og følgt opp tiltaksplanen.

Administrative oppgåver

I risikoanalysen bør du sjå på dei administrative oppgåvene nedanfor som er relevante for verksemda du har valt.

Personaladministrasjon

tilsetjing og arbeidskontraktar
lønn og fråvær
HMS-oppfølging

Relatert lovverk: arbeidsmiljølova, internkontrollforskrifta, ferielova, folketrygdelova

Økonomiadministrasjon

fakturering og innbetalingar
budsjett og rekneskap
kontanthandtering (ved kontantsal)

Relatert lovverk: bokføringslova, rekneskapslova, skatteforvaltningslova

IKT og informasjonssikkerheit

lagring og behandling av personopplysningar
tilgangsstyring til ulike datasystem
sikkerheitskopiering og vedlikehald

Relatert lovverk: personopplysningslova og personvernforordninga (GDPR), sikkerheitslova

Drift og eigedom

kontraktar og avtalar
innkjøp og lagerstyring
vedlikehald av bygg og utstyr

Relatert lovverk: avtalelova, kjøpslova, brann- og eksplosjonsvernlova

Kommunikasjon og kundebehandling

handtering av klagar og konfliktar
feilinformasjon eller brot på teiingsplikt

Relatert lovverk: marknadsføringslova, forbrukarkjøpslova, personopplysningslova

Skjema for risikovurdering

Bruk skjemaet nedanfor når de skal berekne risiko og vurdere kva for nokon uønskte hendingar som må følgast opp med førebyggande tiltak.

Tabell som viser vurdering av risiko og sårbarheit. Illustrasjon.

Tekstversjon av skjemaet for risikovurdering

Skjemaet er ei matrise med verdiar som blir lesne av vertikalt og horisontalt.

Sannsynet for ei uønskt hending er gitt eit nummer, og desse blir lesne av vertikalt. 1 er usannsynleg, 2 lite sannsynleg, 3 mindre sannsynleg, 4 sannsynleg og 5 svært sannsynleg.
Konsekvensen av ei uønskt hending er òg gitt eit nummer, og desse blir lesne av horisontalt. 1 er ubetydeleg, 2 mindre alvorleg, 3 betydeleg, 4 alvorleg og 5 svært alvorleg.
Ved å gonge tala for sannsyn og konsekvens får vi ein talverdi som blir brukt til å berekne risikoen for dei ulike uønskte hendingane.
Viss talverdien er mellom 10 og 25, er tiltak nødvendig. Viss talverdien er 5, 8 eller 9, må tiltak vurderast. Viss talverdien er 1–4 eller 6, kan tiltak vurderast.