Oppgåve

Risikovurdering på praksisplassen

I denne oppgåva skal du undersøke sikkerheita på praksisplassen din og gjennomføre ei enkel risikovurdering. I vurderinga di skal du òg foreslå tiltak som kan førebygge uønskte hendingar.

To smilande elevar sit ved kvar si datamaskin i eit klasserom. Foto. — Diskuter gjerne oppgåva med nokre medelevar. Finn de at risikoanalysen for dei ulike praksisbedriftene er veldig ulik?

Oppgåve

I denne oppgåva kan det vere ein god idé å spørje leiaren på praksisplassen kva for nokon uønskte hendingar dei har, og korleis dei vurderer risiko og set opp tiltaksplanar. Men skriv gjerne ned dine eigne tankar før du spør på praksisplassen.

Del 1:

Skriv ein kort presentasjon av praksisplassen.

Del 2:

Kartlegg eksisterande sikkerheitstiltak

Korleis er nødutgangane markerte?
Kva for tiltak har bedrifta for varsling og sløkking av brann?
Har dei hjartestartar(ar)? Viss ja, kvar er han/dei plasserte?
Har dei inngangskontroll? Viss ja, korleis fungerer han?
Kva for nokon andre sikkerheitstiltak finst? Kategoriser dei i fysiske, tekniske, administrative og manuelle tiltak.

Del 3:

Gjennomfør ein enkel risikoanalyse for praksisbedrifta.

Kartlegg uønskte hendingar.
Vurder sannsyn.
Vurder konsekvens.
Berekn risiko.
Foreslå førebyggande tiltak og set opp ein tiltaksplan.
Forklar korleis de ville ha gjennomført og følgt opp tiltaksplanen.

Bruk skjemaet nedanfor når du skal berekne risiko, og vurder kva for nokon uønskte hendingar som må følgast opp med førebyggande tiltak.

Tabell som viser vurdering av risiko og sårbarheit. Illustrasjon.

Tekstversjon av skjemaet for risikoanalyse

Skjemaet er ei matrise med verdiar som blir lesne av vertikalt og horisontalt.

Sjansane for ei uønskt hending er gitt eit nummer, og desse blir lesne av vertikalt. 1 er usannsynleg, 2 lite sannsynleg, 3 mindre sannsynleg, 4 sannsynleg og 5 svært sannsynleg.
Konsekvensen av ei uønskt hending er òg gitt eit nummer, og desse blir lesne av horisontalt. 1 er ubetydeleg, 2 mindre alvorleg, 3 stort, 4 alvorleg og 5 svært alvorleg.
Ved å gonge tala for sannsyn og konsekvens får vi ein talverdi som blir brukt til å berekne risikoen for dei ulike uønskte hendingane.
Viss talverdien er mellom 10 og 25, er tiltak nødvendige. Viss talverdien er 5, 8 eller 9, må tiltak vurderast. Viss talverdien er 1–4 eller 6, kan tiltak vurderast.

Del 4:

Samanlikn din eigen analyse med det du klarer å få vite om den faktiske risikoanalysen til praksisbedrifta.

Del 5:

Presenter oppgåva for klassen.