Hopp til innhald
Nynorsk

Fag

Oppgåve

Risikovurdering i reiselivsbransjen

I denne oppgåva skal de gjennomføre ei enkel risikovurdering for ulike reiselivsaktørar, og presentere tiltak som kan førebygge uønskte hendingar.
Fleire menneske går rundt i ein underhaldningspark med berg-og-dal-bane i bakgrunnen. I forgrunnen går ei ung kvinne som har på seg ein vest med påskrifta: Tusenfryd. Dagen er din! Foto.
Kva kan gå gale i ein underhaldningspark?

Oppgåve

For kvar av casane nedanfor skal de jobbe med risikovurdering. Når de blir bedne om å gjennomføre ein riskoanalyse, skal de følge trinna i fagartikkelen "Risikoanalyse".

1. Underhaldningspark

Fleire titals personar sit i kvar sin stol festa med vaier til toppen av ein karusell som roterer i full fart. Foto.

  1. Finn informasjon om uønskte hendingar i underhaldningsparkar.

  2. Kva for lover og forskrifter må underhaldningsparkar forhalde seg til i sikkerheitsarbeidet?

  3. Gjennomfør ein risikoanalyse for ein sjølvvald underhaldningspark der de ser på ulike område og aktivitetar i parken, til dømes

    • attraksjonar og karusellar

    • matbuer og kioskar

    • kø-område

    • toalett og søppelhandtering

    • leikeområde og grasplenar

    • billett- og inngangsområde

  4. Presenter svara dykkar for klassen.

2. Hotell

Inngangspartiet til ein stor, kvit trebygning. Over inngangsdøra står det Gloppen hotell. Foto.

  1. Finn informasjon om uønskte hendingar på hotell.

  2. Kva for lover og forskrifter må hotell forhalde seg til i sikkerheitsarbeidet?

  3. Gjennomfør ein risikoanalyse for eit sjølvvalt hotell.

  4. Presenter svara dykkar for klassen.

3. Rafting, via ferrata eller ein annan reiselivsaktivitet

Seks personar med hjelmar og redningsvestar sit i ein gummibåt og raftar ned ei elv. Vatnet sprutar rundt dei. Foto.

  1. Vel ein aktivitet, som til dømes rafting, klatring i via ferrata, ridetur eller fjelltur.

  2. Finn informasjon om uønskte hendingar for den valde reiselivsaktiviteten din.

  3. Kva for lover og forskrifter må reiselivsaktøren forhalde seg til i sikkerheitsarbeidet?

  4. Gjennomfør ein risikoanalyse.

  5. Presenter svara dykkar for klassen.

4. Festival

  1. Finn informasjon om uønskte hendingar på festivalar.

  2. Kva for lover og forskrifter må festivalar forhalde seg til i sikkerheitsarbeidet?

  3. Gjennomfør ein risikoanalyse for ein sjølvvald festival, der de ser på ulike område som til dømes

    • drikke- og matbuer

    • kø-område

    • toalett og søppelhandtering

    • billett- og inngangsområde

  4. Nemn minst tre aktuelle sikkerheitstiltak innanfor høvesvis fysisk, teknisk, administrativt og manuelle sikkerheitstiltak.

  5. Presenter svara dykkar for klassen.

Skrive av Tone Hadler-Olsen.
Sist oppdatert 03.12.2025

ForrigeNeste