Hopp til innhald
Nynorsk

Fag

Oppgåve
Video

Risikovurdering i sikkerheitsbransjen

I desse oppgåvene skal de arbeide med risikovurderingar innan sikkerheitsbransjen.
To vektarar står framfor to rulletrapper i eit kjøpesenter. Foto.
Kva for nokon uønskte hendingar kan finnast på eit kjøpesenter?

Oppgåve 1

Denne oppgåva tek utgangspunkt i ein kort film der vi følger ein vektar gjennom arbeidsdagen på eit kjøpesenter.

Film og spørsmål

Sjå filmen (lengde 06:24) og svar på spørsmåla nedanfor.

Video: Filmkonsulentene / CC BY-SA 4.0

  1. Kva for nokon uønskte hendingar blei nemnde eller viste i filmen?

  2. Kva sikringsgruppe (fysisk, teknisk, administrativ eller manuell) tilhøyrer dei ulike sikkerheitstiltaka som vektaren utfører i filmen?

    • patruljere

    • sjekke overvakingskamera

    • føre rapportar

    • låse ned senteret

Oppgåve 2

I denne oppgåva skal de førestille dykk at de jobbar i eit vektarselskap som har fått i oppgåve å vareta sikkerheita for éin av desse to stadene:

  1. eit kjøpesenter

  2. ein flyplass

Oppgåveinstruks

Del 1

Finn fram til lover og forskrifter som eit vektarfirma må forhalde seg til når dei skal vareta sikkerheita for eit kjøpesenter eller ein flyplass, og gjer greie for desse.

Del 2

Søk på nett etter døme på uønskte hendingar på kjøpesenter eller flyplassar.

Del 3

Gjennomfør ein enkel risikoanalyse for eit sjølvvalt kjøpesenter eller ein sjølvvald flyplass.

  1. Kartlegg uønskte hendingar.

  2. Vurder sannsyn.

  3. Vurder konsekvens.

  4. Berekn risiko.

  5. Foreslå førebyggande tiltak og set opp ein tiltaksplan.

  6. Forklar korleis de ville ha gjennomført og følgt opp tiltaksplanen.

Bruk skjemaet nedanfor når de skal berekne risiko, og vurder kva for nokon uønskte hendingar som må følgast opp med førebyggande tiltak.

Skjema som viser vurdering av risiko og sårbarheit. Ei lenke til ein eigen ressurs om skjemaet Risikodiagram er tilgjengeleg under. Skjemaet er ei matrise med verdiar som blir lesne av vertikalt og horisontalt. Sjansane for ei uønskt hending er gitt eit nummer, og desse blir lesne av vertikalt. 1 er usannsynleg, 2 lite sannsynleg, 3 mindre sannsynleg, 4 sannsynleg og 5 svært sannsynleg. Konsekvensen av ei uønskt hending er òg gitt eit nummer, og desse blir lesne av horisontalt. 1 er ubetydeleg, 2 mindre alvorleg, 3 betydeleg, 4 alvorleg og 5 svært alvorleg. Ved å gonge tala for sannsyn og konsekvens får vi ein talverdi for å berekne risikoen for dei ulike uønskte hendingane. Viss talverdien er mellom 10 og 25, er tiltak nødvendig. Viss talverdien er 5, 8 eller 9, må tiltak vurderast. Viss talverdien er 1–4 eller 6, kan tiltak vurderast. Illustrasjon.

Del 4

Presenter svaret dykkar for klassen.

Oppgåve 3

Denne oppgåva tek utgangspunkt i spelefilmen Stockholm, som handlar om ein bankranar som ønsker å frigjere den beste vennen sin frå fengsel. Situasjonen utviklar seg i ganske uventa retningar, og vi får sjå ulike sikkerheitstiltak som er i funksjon mens politiet prøver å få kontroll over ein høgst uvanleg gisselsituasjon.

Film og oppgåveinstruks

  1. Sjå filmen (lengde 01:31:48), og noter ned alle sikkerheitstiltaka som blir viste.

  2. Grupper sikkerheitstiltaka i rett sikringsgruppe (fysiske, tekniske, administrative eller manuelle).

Relatert innhald

Risikodiagram

Når vi skal kartlegge risiko, kan vi følge ei enkel sjekkliste. Dette lærer du meir om her.

Skrive av Tone Hadler-Olsen.
Sist oppdatert 05.12.2025

ForrigeNeste