Risikovurdering for ein butikk

Oppgåve

Trinn 1: Kartlegg uønskte hendingar

• Sjå for dykk dei ulike områda i butikken og lag ei liste med minst 10 uønskte hendingar som kan finnast. (Sørg for å ha med uønskte hendingar innanfor alle kategoriane nedanfor.)

• Kategoriser dei uønskte hendingane i lista dykkar i dei tre kategoriane:

  • skade på liv og helse

  • materielle skadar

  • skade på omdømme

Trinn 2: Vurder sannsyn

Vurder med ein talverdi kor sannsynleg det er at dei ulike uønskte hendingane vil hende, der 1 er usannsynleg, 2 lite sannsynleg, 3 mindre sannsynleg, 4 sannsynleg og 5 svært sannsynleg.

Trinn 3: Vurder konsekvensen

Vurder med ein talverdi kor stor konsekvensen av dei ulike uønskte hendingane er, der 1 er ubetydeleg, 2 mindre alvorleg, 3 betydeleg, 4 alvorleg og 5 svært alvorleg.

Trinn 4: Berekn risikoen

Ta utgangspunkt i talverdiane frå trinn 2 og 3 og les av i skjemaet under kva den totale talverdien for kvar av dei ulike uønskte hendingane blir.

Viss talverdien – når ein gongar verdien for sannsyn med verdien for konsekvens – er mellom 10 og 25, er det nødvendig med førebyggande tiltak. Viss talverdien er 5, 8 eller 9, må tiltak vurderast. Viss talverdien er 1–4 eller 6, kan tiltak vurderast.

Trinn 5: Foreslå førebyggande tiltak

For hendingane som hamnar i området som er raudt i risikodiagrammet (talverdi mellom 10 og 25), må de foreslå tiltak for å redusere risikoen. Det kan vere tiltak som reduserer sjansane for at hendinga skal skje, eller som reduserer konsekvensane av at hendinga skjer.

• Set opp ein tiltaksplan.

Trinn 6: Gjennomfør og følg opp tiltaksplanen

Forklar korleis de ville ha gjennomført og følgt opp tiltaksplanen.