Uansett om du vil bli kokk, servitør eller ferskvarehandlar, må du ha god kunnskap om ulike råvarer og tillagingsteknikkar, næringsinnhald og ein berekraftig produksjon.

Norsk fisk og sjømat er i verdsklasse. Noreg har lange tradisjonar med fiske og fangst av sjømat og eksporterer enorme mengder til heile verda. Desse råvarene er sunne, gode og kan lagast til på mange ulike måtar.

Det finst mange måtar å lage til fisk på. Du kan mellom anna koke, dampe, steikje, bake i omnen, lute og rake fisk. I dette emnet lærer du om ulike tillagingsmetodar.